Pen Tuf

Vastelaovesoptoch 2007

Ode aan de Witte Sjtein

19-02-2007


Pech in de optoch maar toch oppe Ruiver aangekomme.

Nao maonde intensief zeuke nao ein bouwplaats is 't den toch gelok om os aaje plaats truuk te kriege. Door bemiddelinge van Geert Teunissen (HKB) en Koos Teunissen (Litax) kreege veur de gelaegeheid om weer te gaon bouwe. Ut waas al laat in ut jaor en dr mos nog hiel get gebeure. Ut idee waas al sjnel gebaore en de maquette waas al door Michel gemaak. Jong wat ein gevaarte dao loog ein oetdaaging. Ieverig waerde de hendjes oet de mouwe gesjtaoke en der taege aan gegaon. Nao waeke zaage, naegele, lieme en sjildere waerde zze wage omgetoverd in ein heus Caf restaurant Hotel. In dit zellefde Vastelaoves seizoen kwaam nog ein geweldige verrassing, de dochter Sandy van zze veurzitter Michel waerde de 1e Prinses van de Windjbuujels en det sjloog in wie ein bom. Wat waas det geweldig Michel en Willy zoe trots wie eine pauw en Sandy I sjtraolde wie ein Sterke. De Vastelaovend naderde en de wage waas bienao klaor. Gelkkig hbbe veur nog hulp gekrege van ein paar fanatieke miense (Ren en Anouk Bedank) om os te helpe zodat de wage oppe tied aaf waas.

Zaoterdig de 17e waas ut den zover. De wage mos nao boete om aaf te bouwe want ut daak ks der binne neet op, dao waas de loods neet hoeg geng veur. De waergoode ware os good gezind en nger de staole van ein lekker zunke waerde boete ut daak op ut Hotel aafgemaak. Alles leep op sjema en ut letste waerde  Jodellei op ut daak geplaats en dao ms eine kraan biej te pas komme, gelkkig waerde det geregeld door de hulp van de vlieger Transport (Freek bedank) en waerde Jodellei precies op ut daak geplaats.

Maondig de 19e waas ut den zowiet. Smorges waerde nog efkes de puntjes oppe i gezatte en alles klaor gemaak veur de optoch. Om ngevier ein oer gierde de kriebels en adreliene weer biej idderein door ut lief, dao ginge veur op waeg nao de opsjtelplaats. Ongerwaeg krege veur al de nuudige aandag en waerde oetbundig nao os gesjweid en ginge de doeme mhoeg, det waas kikke en ut ks noe al neet mier kepot.

zze wage waerde opgesjteld veur de deur van Pieter van sjlechter om zoe in de optoch aan te sjloete as os nummer veurbiej kwaam. Vakkundig waerde der weer plaats gemaak om in de optoch aan te sjloete maar.. det ging neet zoe as veur hadde gedach. Veur krege de motor neet gestart, met gen meugelikheid sjprng dae aan en os zakte de mood nog lieger as de sjoon. Dit ken toch neet maonde gebouwd zjweit en traone gelaote en noe dit. Der waerde van alle kante hulp gebaoje zellef leje van de Raod krope nger de wage om te kieke woe ut probleem zoot. Miense det waas neet te besjrieve wat dao door os haer ging. De motor waerde vriej gemaak en alles waerde geprobeerd neet te gluive net leep der nog, doe ks aan de miense die zich rondjom de wage hadde verzameld gewoen veule wie die met os met laefde. De optoch waas zoget veurbiej en de jnges van de Raod maakte aansjtalte om zze wage achter dae van Hoegheid Pieter II vas te make om zoe toch in dae optoch met te gaon, maar det waas veur os gen optie. ( Jonges toch bedank) Op det moment waerde eine flinke slaag op de motor gemep en neet te gluive h sjtarde as of der nieks aan de handj waas. Veur koste ut waal oetsjriewe van bliedsjap en de miense om os haer begoste sjpontaan te klappe. De prinsewage waas al ein paar hongerd maeter euver de Keulsewaeg aan ut trekke wie veur de Keulsewaeg op trokke en wat veur dao zogen waas neet te besjrieve, de miense bleve sjtaon wachte man wat waas det sjiek. Veur sjloete sjnel aan achter de Prinsewage aan en toen had Prins Pieter II ut aug in de gate hae zweijde oetbundig en waas bliej det veur toch nog koste aansjloete. Ut vuurke ging sjnel rondj det veur pech hadde maar nemus had gedacht det veur achter de Prinsewage zouwe trekke. Vanaaf det moment waas ut allein maar geneete. Oppe Ruiver aangekomme krege veur weer de sjrik, net biej ut Luxor woe veur efkes sjtil mste sjtaon sjloog de motor aaf en waas ut gans gedaon. Veur waerde met de traktor verder gertokke toet oppe mert en daoveur danke veur dae miens noe nog det we toch de mert hbbe gehaold. Ut waas duudelik te zeen det veur allemaol flink ware teleurgesjteld en waerde van alle kante sjpontaan gesjteund en op gefleurd.

Oppe mert waas ut moment aangebraoke det de oetsjlaag bekend waerde gemaak en veur hadde gaar neet verwach det veur in de prieze zouwe valle maar toch haolde veur de twiede Pries in de optoch en det deej os good en waas ein geweldige prestatie. De ierste Pries ging nao PiGeJoHeKa, jnges proficiat.

Det waas ut den, nao de optoch waerde der efkes lekker gegaete en dao nao rap nao de Paerssjtal om der toch nog ein geweldig fis van te make. Same met Sjpass hbbe veur dao gefis toet sjloetes. Veur wille den aug idderein hiel erg bedanke die os hbbe gehaolpe op wat veur manier den aug danke, danke, danke.

Alaaf.  

P.s. fotos van de bouw zien te bekieke op de foto pagina.


Pen Tuf

Ruiverse Revue

Pak de draod weer op.

04-11-2006


Reuverse reveu Veur pakke de draod weer op 

Zaoterdigaovend 4 november om zeve oer saoves zoot ich fris gewasse en gesjaore, nao unne lange bouwdaag, same met mien vruike  in de Sjakel te wachte op wat der komme zouw. Eigelik ken ich der hiel kort euver zien went ut waas van ut begin toet ut einde geweldig. Gelache, ontroerd maar aug zeker aangenaam verras euver de talente die dao heur beste beinke veur zatte. Neet om emes te kort te doon maar Coen met ziene brommer en Geert in zien trainingspak zalle bie mich nag lang blieve hange. Veur idderein get en ut samesjpel met de filmkes waas ech sjiek.  Zellufs de paus hb ich nag veurbie zeen flitse. Hilarisch. Eigelik gek det de Ruiverse Reveu zoelang weg is geweas. Ze hbbe de draod weer opgepak en det hbbe ze good gedaon. Ich hb genaote en haop det dit weer un jaorliks truukkierend spektakel wurd.

Veur diegene die nag gaon kieke, hiel erg vuul plezeer en alle miense van de Ruiverse Reveu, bedank veur dea sjoene aovend. 

Michel                 


Pen Tuf

Andreas Weiss

Alweer un Offebks talent

05-08-2006


Un paar fotos om uch un korte inpressie te geave van Pascal Gommans
 zien ierste optreije 5 augustus bie Harrie as
 
Andreas Weiss.

                                   

 Sjoen gedaon jong.


Pen Tuf

"Ruivers Treffe, wat un Fies !!!"

27-05-2006

27 mei waas ut den zoewiet.

Os aankomende jonge talente die nao de neudige uurkes training razelde van de adrenaline um te moge beginne ,sjtinge klaor om op sjportpark Dijckerhof de strijd aan te gaon met angere voetbalsjpelers en leefhebbers. Met un ongekende gedreveheid ploogde ze zich door de ierste rondes hear maar ondanks dea geweldige inzet en de neudige zjweitdruppels waas un finale plaats veur os jonge tufkes neet weggelag.  Hielemaol neet belangriek went de sportiviteit , lol en plezeer sjtraolde der van ut begin toet aan ut einde vanaaf. Met rech det mennige supporter de opmerking plaatsde, kos ut maar altied zoe zien !!!!

Jonges, geweldig gedaon en petje aaf veur uch onzettend originele Winning moves.  Dao koste de beste teams nag neet ens aan tippe!!!


Res mich allein nag maar uche trainer Frans te felicitere maar aug zeker de organisatie van ut treffe met heure gesjlaagde opzet om iddere leefhebber un lekker ptje te laote voetballe. Lang leave de lol en wat det aangeit had geur un podiumplaats !!!

Toet volgend jaor!
Michel


Pen Tuf

"Winter Competitie 2006"

10-04-2006


 Finale wintercompetitie Sjtterie Sint Barbara Reuver. 

Nao de drie mier as gezellige veurrondes waas os sjttersteam, Henk ,Marcel en Michel der toch nag in gesjlaag zich te plaatse in de finale. Nao intensieve training en twieje weake wurtelkes eate (volges gelierde zou det good zien veur de auge) waas ut den zoewiet.

Bie aankoms in ut sjtterslokaal aan de Polderweag heufde veur nag neet mier te zegge
wat veur wolle drinke, det wiste ze al. Phoe phoe as det maar good geit, dach ich nag. Al gauw hadde alle batse un barkruk gevonje en probeerde ut team de zenuwe get weg te drinke. Helaas hbbe veur dink ich neet allein de zenuwe weggedronke maar aug alles wat se maar enigsinds nuudig heas om raak te sjete. Rondj un oer of tien ware veur aan de beurt en zo wie ut unne echte Keuning betaamd knalde Marcel de ierste prupkes van de herk. Klasse jong!!! De twiede sjtter, en gluif mich maar went det waas ich zellef, dea zoog al gen prupkes mier en dea derde, Henk de sjerpsjtter, is volges mich noe nag aan ut kieke wat der allemaol gebeurde. Det waas den veur os de finale, FINAAL DER NEAVE , maar wat waas ut weer gezellig!!!!!!!!!

Al met al un gesjlaagde wintercompetitie van de Sjtterie en zeker unne aanraojer veur idderein dea van gezelligheid held en ens get angers wult. 

Och ja wea had der aug alweer gewonne??
Alle trotse beakerwinnaars van herte en as ut aan mich lik zien veur der ut volgend jaor weer bie.

Michel Smeets

Veur verwieze uch gaer door nao de website van
Schutterij Sint Barbara Reuver veur mir info.


Pen Tuf

"Tufkes Irste in Windjbuujeloptoch 2006"

27-02-2006


Op maondig 27 fibberwarie om 14.00 oer trok vanoet hertje ffebk de Groete optoch door ut Windjbuujelrik. Nao maonde veurbereiding kste veur eindelik mt s creatie nao boete. De vriedig veuraaf nao ut geneete van ein verukkelik maal in de bouwloods dt aan s waerde aangebaoje door Bert en Hilde van "Caf De Grens" hbbe veur nog toet ein oer of 10 door geknmmeld en zien dao
nao gezellig nao ut Wagebouwerstreffe biej "De Paerssjtal" gegaon. Op oetnediging van SJPASS en PiGePeJoHeKa om dao lekker gezellig ein pilske te pakke, nou gezellig dt waas ut waal en wat waerde d'r gesjpraoke en gesjwets toet in de kleine uurkes en dt waas veur sommige van s s'morges nog te merke. Zaoterdig waerde de puntjes op de i gezatte en bouwde veur zze wage boete op om maondig rstig aan dae drkke daag te beginne. Zonger te oeffene trokke veur nao de opsjtelplaats en dao waerde al gauw dudelik dt veur dao neet door kwame maar veur waerde vakkundig nger ut trekke van de optoch der tsse geloods. De zenuwe deeje eur werk en de adraline gierde door ut lief wat waas dt ein gaaf geveul. Veur hbbe d'r van genaote van ut begin toet aan ut eind. De reacties van de toesjouwers waas euverweldigend. Biej ut bekend maake van de otsjlaag waerde veur met sjtomheid gesjlage wie Vors Hans Boonen de otsjlaag van de praalwages begs op te laeze. 4e pris nr. 37 "Zorgverzekering lastige keuze" 3e pris nr. 47 "Windjbuujels 55 jaor Drake" 2e pris nr. 42 "De Winnende Vastelaovessjlaeger" en toen..... waas ut sjtil biej zze groep, Ut zal toch neet h waerde teage mekaar gezag en dao kwaam ut 1e pris nr. 24 "De Drpskeuning" wat dao nao gebeurde is neet te besjrieve dao had geur biej mtte zien en wie veur daonao aug nog ens de Windjbuujelcup krege oetgereik barste ut fis los en dao deej Sjpass nog ein sjpke baove op om s te traktere op ein pilske ter ire van heur 1x11 jaor besjtaon. Jonges bedank veur hbbe genaote. Vanaaf dt moment hbbe veur allein maar gefis toet in de kleine uurkes. Veur wille den aug allemaol s sjponsers bedanke en met name Huub Teeuwen dae ut veur s meugelik haet gemaak om zo'nne wage te kenne bouwe. Huub bedank veur de bouwplaats. Alle Tufkes, miense van Ruiver en ffebk bedank veur dae sjone onvergaetelike Vastelaovend. 


Pen Tuf

"Tufkes in Beeselse Leegskes Optocht. "

18-02-2006


Op 18 fibberwarie hbbe veur deil genaome aan de Drake-Leech-Optoch in Beesel. Met s Tufke wo veur in 2005 de 2e pris met haolde in de groete optoch in ut Windjbuujelrik. Met mir as 240 maeter leegsjlang hbbe veur geprobeerd d'r eine sjprookjes achtige Tuf van te make, maar dae Tuf allein waas s veur Beesel neet good genog. zze engeneer Michel haet met zien buig en las-mesjin eine sjitterende draak in mekaar gebraoje en dao hbbe veur aug de nedige maeters leegsjlang aan vas geknmmeld. Ut waas ein groet fis in Beesel al waas ut waer neet al te bs zoot de sjtumming d'r good in. Mt dees creatie hbbe veur aardig in de publiciteit gesjtaon. L1 en TV-Limburg had s Tufke op de aankondiging sjik op de achtergrondj sjtaon, aug biej SBS6 kwaame veur in beeld en zellef in s lokale drkwerk ut Contactblaad en 't Gazetje sjtong zze Tuf te sjtraole. Nao aafloup hbbe veur um weer fijn nao zien gebaorte plaats "ffebk" truuk gebrach en aangebaoje aan Harrie van
"De Paerssjtal" wao dae ein waek later op ut mertplein biej ut "Tuffehoes" as eyecatcher veur idderein nog ens te bewonjere waas. Wilt geur de Drake-Leech-Optoch in Beesel nog eine kir bekieke dn kn det biej TVL of biej TVellef. Klik maar ens op de links hiej nger dn komt geur d'r vanzellef.

                                   


Pen Tuf

"Gezellig oet oppe zitting biej "De Windjbuujels "

21-01-2006


Zoaterdaag
21 januari had mennige vastelaovesleefhebber al diek ongersjtreep in ziene agenda. Diegene die nag un keartje hadde kenne bemachtige ware klaor veur unne sjoene aovend joeks en plezeer. De Ierste sjterzitting in ut jubileumsjaor belaofde un good en vernieuwend programma zoe-as veur lings en rechs hadde kenne leaze. Jaomer genog waas ut geweun neet wat veur verwach hadde.

De finale wao al zoevuul euver gezag en gesjreve is waas verniejend maar neet wao de vastelaovesvierder op zoot te wachte. Helaas wuurt den aug al det leuks wat der te zeen waas (en det waas der absoluut) vergeate. Ut Ruivers keteerke, die operazengers, de buuts, en vergeat veural neet de dorsvleagels die al veur de ellefde kier veur sjtumming zorgde. Jammer det net det letste sjtukske neet ut daak draaf bloos en dao zal ongetwiefeld ongekend vuul energie en tied ingesjtaoke zien. Al met al teleursjtellend maar toch eave good unne sjoene aovend.

 


Pen Tuf

"Geweldig gesjlaagde Mansluujzitting"

15-01-2006


Op Zondig 15 januari organizeerde Trommel en Fluiterkorps "Sint Barbara" oet Offenbek
veur de 11e kier de befaamde Mansluujzitting. Om 10.30 oer besjtormde eine horde oetgelaote mansluuj de zaal van Caf Zaal "De Paerssjtal" om de beste plaats te kriege in de zaal. De sjtumming zoot der bote al good in en barste binne compleet los. Nao ein welkomswaord van Veurzitter Wiel Weijers, waerde alle mansluuj getrakteerd op ein breudje sjpek met ei, ein traktatie die verzorg waerde door de oetbater van Caf Zaal "De Paerssjtal" Harrie Roelofs as dank en presentje veur de alweer 11e zitting. Nao det maagvewearmend en veur vuul maag versjterkend breudje ging ut fis beginne. Veur waerde getrakteerd op ein geweldige zitting vol joeks, plezeer en sjoenheid. Veural det letste wat good bewaard bleef toet ut lets deej menig manne hert sjnelle kloppe. Nao aaflaop, en det is idder jaor vuul te vreug trok de bups gezellig nao ut kefee, angere ginge al op hoes aan om lekker te gaon . De echte harde kern vierde nog ein paar uurkes lekker door alveurens die nao toe ginge met de tesse vol en de vinger onger de lippe det ut beer en de jaegermeister der neet oet leep.

Veur kenne teruuk kieke op ein zeer gesjlaagde zitting en zalle volgend jaor weer van de partie zien. Eine kir per jaor gn gezeik van die vrouwluuj aan de kop, wat kense dich as sjtoere vent nog mir winse. (356 daag ??) nae toch maar neet want wat is nag sjonder det as se thes kumps nao zon'ne vermeujende daag dinne sjat dich opvink, nog ein lekker tas koffie maak en dich veurleus wat dae ganse daag waal neet allemaol gebeurd is, den is ut toch sjen det men den lekker ken gaon yep lekker sjlaope en druime van die sjene maedjes van
DJ Vu en van Angelina.
 

Pen Tuf

"Wintercompetitie Sjtterie Sint Barbara"

14-01-2006


Op zaoterdig 14 januari waerde door interim Veurzitter John Gubbels in ut sjtters lokaal  aan de Polderwaeg de wintercompetitie gepent. Nao de oetleg van Jeu van Doorn wie ut ein en anger zou verluope waerde der weer duchtig taege de blkes geknald en ketste de keugel weer in ut rondj. Jan Killaars dea alles in baane leide sjreef zich de vingers blauw aan de kaarte. Veur ware met 3 man sjterk begonne met sjeete en al flot waerde duudelik det ut neet lukte. Nao ein zwaor beraad besjlaote veur maar om de dames met in de sjrid te goeije om os van de ondergank te redde. Ut vruike van zze Veurzitter leet mich dao toch ein sjtaalte sjeet werk zeen dao waerde ze bang van, die knalde alles der van aaf en aug Nel en Willy kste der get van. Dus veur as getrainde sjtters hele s maar aan ut drinke van ein lekker glaeske beer, dao zien veur sjinbaar toch baeter in as in ut sjeete. Helaas lukte ut os neet om met ein volle kaart door te gaon, dus volgende kier wuurt ut d'r op of d'r onger. Maar veur kenne teruuk kieke op eine zeer gesjlaagde en gezellige aovend.
 

Pen Tuf

"Tufkes sjrieve zich in veur de Beeselse leegskes optocht"

05-01-2006


De Tufkes hebbe zich ingesjreve veur deilname aan de Beeselse leegskes optoch op
18 feberwari 2006. Nao ein wies beraad hbbe de leje besjlaote om aan dit geweldig evenement deil te nimme. Ut zou neet zo gemekkelik zien om twie wages te bouwe om aan beide optochten met te doon. maar de Tufkes zien de Tufkes neet as die det neet veur mekaar kriege. Der is 250 maeter leegsjlang gekoch om de Tuf dae aafgelaope Vastelaovend in de optoch de twiede plaats haet bemachtigd compleet te verleegte met ein Beesels tintje.

 Dees creatie is compleet klaor en zal ein geweldig sjpektakel vorme in de optocht door ut Drakeriek. Veur mier informatie euver de leegskes optocht door ut draake riek verwieze veur ug gaer door nao www.cvdedrake.nl Veur wille Firma Van de Beuken nog bedanke veur de sjtalling van de Tuf. 

 


Pen Tuf

"Twieje Tufkes leje beginne eige Restaurant "

01-01-2006


De Tufkes Frank van Rhee en Vanessa Fleuren zien heur eige Restaurant begs, en waal ut
Kombuis van Aaltje, aan de Strandboulevard Oost nummer 12 in Harderwijk. Frank dae al jaore eine keukeprins is haet same met Vanessa de sjtap genaome om veur zich zellef te beginne. Same met nog ein sjtel runne ze ein geweldig Restaurant in hertje Harderwijk.

Op zondig 8 januari is de fistelike aopening van de zaak en dao zalle de Tufkes natuurlik neet ontbraeke. veur winse Frank en Vanessa hil vuul succes en det ze good personeel in deens neeme om met de Vastelaovend (den vis der toch nemes achter ut net) met s same Vastelaovend te viere.

 


PenTuf

"Tufkes beginne aan ein giganties project"

12-10-2005


Nao ein heftige vergadering in oktober 2005, zien de Tufkes ut ns gewaore wat der veur ut aankomende jaor veur de optocht gebouwd zou waere. Door de aansjaf van de winkel wage van Oscar Gijzen "de Oscarker" is door zze engineer en veurzitter ein toffe makette op sjaol gemaak. Efkes dreigde alles neet door te gaon omdet veur gen bouwplaats kste kriege in ut Windjbuujelriek. Nao ein intensief euverleg en oproop op s eige website is ut toch gelk om ein bouwplaat te bemachtige.

Huub Teeuwen van Teeuwen & Zn transport haet s zien ruumte ter besjikking gesjteld om te bouwe. Geweldig det der nog miense zien die zoe- get wille doon. Vol goeie mood begos de sjloop van de Oscarker en al sjnel kwaam ut bouwteam op gang om alles veur te bereije. De bouwwerkzaamheden zien no in volle gang en ut krieg al aardig ut gewenste gesjtalte. Laot uch verrasse in de optocht van 2006, ut wuurt giganties.

 


Pen Tuf

"Tufkes sjeete met om de
Brick Burgers Cup"

24-09-2005


Op 24 sepetmber 2005 ware alle leje van de Tufkes aanwezig op ut sjtters terrein van Sjtterie Sint Barbara aan de Polderwaeg. Dao waerde gesjtrede om de Brick Burges Cup, ein sjeet festein det idder jaor wuurt georganiseerd door de sjtichting 4 x 11 van V.V. De Windjbuujels.

Op dae zon euvergaote zaoterdig middag knalde ut lod flink taege de kogelvangers. Helaas mochte veur neet door dringe toet de finale. s mannelike en aug s vrouwelike sjttes, die baeter in vorm ware en aug Ozz eige Keuning knalde neet good genog om toet de finale door te dringe. Ut sjoene waer, maar zeker ut lekker beer vloeide te riekelik om de concentratie hoeg te haaje en alle blkes van de herk te knalle.

Veur s waas ut gen probleem om toet in de late uurkes door te gaon met woe veur good in zien, lol en plezeer make en dao biej rustig ein glaeske beer te drinke. Volgend jaor zien veur der weer biej en zalle den probere alles der van aaf te knalle.

 


Pen Tuf

"Tufkeskeuning Gekruund"

03-06-2005

Nao aaflaop van ein al ierder vasgesjtelde vergadering op 3 juni waas ut den zoewiet.

zze nieks-vermoedende secretaris Marcel van Aarsen dea 14 Mei dea haan van de zuk sjoot en daomei de drpskeuningstietel op ziene naam sjreef woord op ein ludieke maneer door os gekruund met de enige echte Tufkeskroen. Nao get gedeu en getrek noom de totaal verbrouwereerde drpskeuning plaats op ziene troen. Euverrompeld door un serenaatje van "de Dorsvleagels" en ut neudige bekieks van umwoende  maakde os geheime veurnimme toet ein geweldig fies. Eine toespraak van de veurzitter , ut ontvange van de kroen en septer en de kruuning waas un feit. Natuurlik mog der neet met leage henj nao hoes toe gaon en ein toepasselikker kado as eine echte leavende haan koste veur neet bedinke.

Wie ut zich huurt en wao natuurlik aug aan gedach waas woord de kersverse keuning verzog iddere aanwezige te versiere met ein keuningklikke drumsjtik. (hanebatse ware te duur).

Ondanks zien bedinkelikke blikke bleef um nieks angers euver as zich derbie near te legge. Aan al det leuks kump den toch un eind en nao flink gefies te hbbe toet in de kleine uurkes dook aug de keuning met zien keunigin onger de veare.
 

Res mich allein nag maar idderein en in ut biezonjer Mark en Miranda die heur splinternieje huiske ter besjikking hadde gesteld en natuurlik De Dorsvleagels veur heur muzikale umliesting te bedanke veur dees biedrage aan deze sjoene, mier as geslaagde aovend.

Marcel en Willy PROFICIAT!  

Names V.C. "De Tufkes"

Veurzitter Michel Smeets.

 

 


Pen Tuf

"Tufkes hbbe de Keuning"

14-05-2005

Zaoterdig 14 mei j.l. waerde op ut merretplein in Offebek gesjtrede om de titel Dorpskoning 2005.

Nao de ludieke aopening om 15.00 oer trok ut bondjgezelsjap nao ut merretplein om dao de kleijsjteaker oet de log te sjeete. Nao dit sjpektakel waas ut tid gewaore om de nieje keuning of keunigin van Sjtterie Sint Barbara bekend te make. De sjtters van de vereiniging gingen eine ongelinge sjtried aan om de vogel d'r aaf te knalle. Nao 122 sjeut kwaam d'r nao onger. De verlossende sjeut van Ger Peulen maakte um toet Koning 2005 van Sjtterie Sint Barbara.

Nao de huldiging en felicitatie's waas ut tied aan de dorpsbewoeners van Ruiver en Offebek om veur de titel Dorpskeuning 2005 te sjtriede. Om 18.45 waerde 't ierste sjot gelos. De 21 deilnemers knalde de haan van alle kenj om de oere maar dae leet zich neet kenne en bleef lekker hoeg in de log hange. Om 19.40 waerde ut sjpel ongerbraoke omdet d'r ein kerkganster ut lastig vonj det d'r onger de Heilige Mis op de vogel geknald werde. Oet respek waerde d'r ein pauze ingelas en trokke de deilnimmers nao de Paerssjtal om dao effe wat te nuttige. Ut beer vloeide riekelik oet de kraan en de temperatuur binne waas baeter den boete.

De Mis waas aafgelaope en nao geinformeerd te hbbe biej angere kerkgangers of ze euverlas hadde gehad waas ut komentaar det ze d'r amper get van gehuuerd hadde. In de aovendsjemering ging de sjtried verder. Wat waas ut sjpannend ut waas neet te harde, dae vogel wou neet nao onger. Om ca. 21.30 oer kwaam ut verlossend sjot. De 5 man sjterke sjtters van os club waare ingedeald as nummer 5,6,7,8 en 9. Nao det de nummer 1 t/m 4 de vogel neet nao onger kreeg begoste os kanjers met sjeete. Ut kos neet lang mier duure, d'r waare nog maar ein paar sjpaane hout die door geknald moste waere en den mos d'r valle.

Ozze ierste sjtter Mark kreeg ut neet veur mekaar, de vogel bleef op zien plaats. Dao nao ozze Henk en ozze Veurzitter Michel knalde raak maar nae de letse spaane hout vlooge door de loch maar wie einen trotse haan bleef d'r op zien plaats. De einnao letste man van os team Dennis kos ut maake, ein plaats good raake en de knommel kwaam nao onger. Hae lik aan kiek wilt sjete maar ...... genne kogel oet ut gewaer, begint dae proppeknaller dao toch te hapere. Vakkundig wie die men zien wearde door de leje van de Sjtterie ut probleem sjnel verhaolpe.

Den lik d'r opniej aan, hae kiek, kiek nog ens en den.... PAAF......  sjit raak maar dae knommel hink nog sjteeds en wilt neet nao onger. Nog ein kans om eine Keuning te kriege in os Club. De alles besjlissende taak lik in henj van ozze Secretaris Marcel. Veur huure um nag zegge, jaomer ut waas sjoen gewaes as Dennis um nao onger had geknalt. Laot mich maar d'r naeve sjeete dan kenne veur gauw nao de tap om d'r eine te kleppe. Laot die nao s komme um maar draaf sjete. Hae wanjelt nao de buks, de kogel wuuert d'r in geprop en de buks wuurt gelaaije. De sjpanning is neet te haaje, sjuut d'r um draaf of neet.

Veur winste waal beater, hae zou d'r alles aan doon om um neet nao onger te kriege. Rondj om os haer werde ut dood sjtil. Kogel d'r in.... Klik... hae had de buks ontgerendeld en PAAF..... hae durf neet te kieke want ..... dao kump dae kloete vogel nao onger. Un applaus van jewelste, dao is d'r draaf en dao waas d'r neet zoe bliej met. Veur sjtormde nao um toe en vlooge um om de nek.
VEUR HOBBE DE KEUNING galmde ut euver ut merretplein.
Idderein kwaam um felicitere en jong wat baalde ozze Marcel. Maar hae heel zich wie ut van eine Keunung verwach wuuert en waerde door de kers verse Keuning Ger Peulen gehuldig met de orde van de Dorpskoning 2005. Nao aafloup waerde in ein vol cafe biej de Paerssjtal nog truuk gekeeke op dae zeer gesjlaagde daag. Met rech kenne veur zegge de merret zuut d'r geweldig oet in Hertje Offebek. Ozze dank geit oet nao de organisatie van ut volgelsjete 2005.